top of page

新興運動紛FUN樂


本社剛在3月16日(星期四)在九龍城政府合署2樓紅磡社區會堂舉行了一場超級好玩的運動聚會─「新興運動紛FUN樂」!我們邀請了方王換娣長者鄰舍中心、胡陳金枝長者鄰舍中心、陳守仁長者鄰舍中心、顏劉崑珠社會服務中心四間長者中心共120位長者會員齊來參與,一同體驗全新的運動項目。大家都非常投入,一起挑戰匹克球、法式滾球和布袋球。


儘管初次嘗試,但大家都十分熱情投入,首先由教練帶領我地一齊做毛巾操熱身,然後就開始體驗各種新興運動了。


法式滾球就像草地滾球,玩法簡單,先投擲木球為目標球,再投金屬球,以接近目標球為勝,特色是投球時兩腳不能離地,你可以企、可以彎腰,甚至可以踎係度,但對腳都要企定定黐實地下才能投球,運動量不大,技術含量高!


布袋球就是企定將布袋投進一個凸起斜台上的孔洞內,考驗手眼協調及平衡力!


最後玩過匹克球既老友記都同我講,就像玩緊大人國的乒乓波,玩起來十分易上手!


大會更貼心地設置健康醫療站,為各位參加者量度身高體重、心跳血壓同BMI(身體質量指數,衡量肥胖程度用),我們還請來鐘聲慈善社司庫羅美蓮女士、董事黃景生先生、梁世明先生及聖約翰救傷隊鐘聲慈善社支隊隊員黃開茂先生為大家服務做健康檢查,可謂重量級義工陣容!


最後多謝NESA新興運動協會鼎力支持,與本社合辦今次有趣有益的活動,並派出多位教練悉心教導老友記,祝各位老友記大開「玩」界,身體健康!

23 次查看0 則留言
bottom of page